ფილიპინების სამხრეთ-აღმოსავლეთ ნაწილს ტაიფუნმა ნოკ-ტენმა გადაუარა.
გავრცელებული ინფორმაციით, სტიქიას სულ მცირე 3 ადამიანი ემსხვერპლა.
ადგილობრივი პრესის ცნობით, ტაიფუნი ამჟამად ფილიპინების დედაქალაქ მანილას უახლოვდება. მათივე ცნობით, ფილიპინების უსაფრთხოების სამსახური განგაშის რეჟიმზეა გადაყვანილი.
ტაიფუნის მოახლოებამდე, ფილიპინების სანაპირო რეგიონებიდან დაახლოებით 220 000 ადამიანის ევაკუაცია მოახდინეს. ისინი დროებით თავშესაფრებში არიან გადაყვანილები.
შეგახსენებთ, რომ ფილიპინებზე 2013 წელს მომხდარ სუპერტაიფუნ ჰაიანს 7350-ზე მეტი ადამიანი ემსხვერპლა.