სარფის სასაზღვრო გამშვებ პუნქტზე მოძრაობა აღდგა. შემოსავლების სამსახურის ცნობით, საზღვრის გადაკვეთა უკვე შეუძლია როგორც თურქეთის, ასევე საქართველოს და სხვა ქვეყნების მოქალაქეებს.
სარფის საბაჟოზე გადაადგილება სამი დღის განმავლობაში შეზღუდული იყო. საქართველოს საგარეო საქმეთა სამინისტროს ცნობით, შეფერხება საპასპორტო კონტროლის, ე.წ. ,"POL NET“- ის სისტემის გათიშვამ გამოიწვია და ვრცელდება არა მარტო სარფის საბაჟო-გამშვებ პუნქტზე, არამედ მთელი თურქეთის მასშტაბით: სახმელეთო, საზღვაო და საჰაერო სასაზღვრო-გამშვებ პუნქტებზე.
