სირიის სამთავრობო ძალებს, ქალაქ ალეპოში ქლორის შემცველი ბომბების გამოყენებაში ადანაშაულებენ.
სირიაში მომუშავე მოხალისე სასწრაფო დახმარების თანამშრომლების თქმით, დაშავებულებს სუნთქვის პრობლემები გაუჩნდათ. დაშავებულია 80-ზე მეტი ადამიანი.
BBC აღნიშნავს, რომ ინფორმაციის დამოუკიდებლად გადამოწმება შეუძლებელია, თუმცა გაეროს გამომძიებლებმა აგვისტოში განაცხადეს, რომ სირიის სამთავრობო ძალებმა ქლორი მინიმუმ 2 შემთხვევაში გამოიყენეს.
სირიის მთავრობა კი, თავის მხრივ, ქიმიური იარაღის გამოყენებას ამ დრომდე უარყოფს.
