თურქეთის პრეზიდენტ რეჯეფ თაიფ ერდოღანის ინფორმაციით, გუშინ გაზიანთეფის პროვინციაში თავი 12-14 წლის ბავშვმა აიფეთქა.
ერდოღანის თქმით, მტკიცებულებებით დგინდება, რომ ტერაქტის უკან ე.წ. ისლამური სახელმწიფო დგას. მისივე ინფორმაციით, აფეთქებას 51 ადამიანი ემსხვერპლა, 69 - დაშავდა.
თვითმკვლელმა ტერორისტმა თავი ქურთულ ქორწილში აიფეთქა, რომელსაც სტუმრები ღია ცის ქვეშ აღნიშნავდნენ.
გაზიანთეფი სირიის საზღვართან ახლოს მდებარეობს და მოსახლეობის დიდი ნაწილი ქურთია.