წითელი ხიდის საბაჟოზე 19 ცალი არადეკლარირებული ოქროს ზოდი ამოიღეს. ზოდების საერთო წონა 18.6 კილოგრამს შეადგენს, მათი ფასი კი 1.3 მილიონ ლარს აღემატება. ეს არადეკლარირებული ოქროს ერთ-ერთი ყველაზე დიდი პარტიაა.
შემოსავლების სამსახურის მებაჟე ოფიცრებმა უკანონო ტვირთი აზერბაიჯანის მოქალაქის, ა.ი-ს სატრანსპორტო საშუალების რენტგენო-სკანერზე გაშუქებისა და დეტალური დათვალიერების შედეგად გამოავლინეს. ოქროს სხმულები ავტომობილის უკანა სავარძლის საზურგესა და საბარგულს შორის არსებულ სპეციალურ სამალავში იქნა აღმოჩენილი.
საქმეს ფინანსთა სამინისტროს საგამოძიებო სამსახური იძიებს.