ამ "ობიექტური" კვლევის შედეგები 3 დღით ადრე წინასწარ იცოდა და ამის შესახებ წინასწარ განაცხადა პრეზიდენტმა სააკაშვილმა. მანვე გამორჩეულად გაუსვა ხაზი "ჩვენგან წასულ, ახლადშექმნილი პარტიების" რეიტინგს, რომელიც როგორც ჩანს, განსაკუთრებით ადარდებს. კვლევა ჩატარდა GFK-ს უკრაინული წარმომადგენლობის მიერ, მაგრამ რუსთავი 2-ს არაფერი უთქვამს იმის თაობაზე, თუ ვინ ჩაატარა საველე სამუშაოები, სავარაუდოდ იმიტომ, რომ სანდოობის მიმართ კითხვის ნიშნები შეიძლება გაჩენილიყო. იგივე GFK-ს უკრაინულმა წარმომადგენლობამ 2015 წლის იანვარში ჩაატარა სკანდალური კვლევა ყირიმის ნახევარკუნძულზე და განაცხადა, რომ ყირიმის მოსახლეობის 93% მხარს უჭერდა რუსეთთან მიერთებას, მაშინ როდესაც ყირიმის მოსახლეობის 12%-ს შეადგენენ თათრები, რომლებიც კატეგორიული წინააღმდეგი იყვნენ ასეთი მიერთების. იგივე GFK-ს, 2014 წელს უკრაინაში ჩამოართვეს სატელევიზიო რეიტინგების გაზომვის უფლება მოსყიდული პანელისტებით რეიტინგების გაყალბების გამო, რაც თავად GFK-მაც აღიარა. გაუგებარია, ასეთი გამოცდილების შემდეგ, რატომ გადაწყვიტა რუსთავი 2-მა კვლევის GFK-ს უკრაინული წარმომადგენლობის ქოლგის ქვეშ ჩატარება. ჩვენთვის ეს კვლევა უფრო პოლიტიკური ბრძოლის ტაქტიკური ელემენტია, ვიდრე მოსახლეობის განწყობების რეალური შესწავლა. გირჩი აქტიურ წინასაარჩევნო კამპანიას იწყებს ივლისის პირველი კვირიდან და ჩვენი რეალური მხარდაჭერა გამოჩნდება 8 ოქტომბერს, საპარლამენტო არჩევნების დღეს.
საზოგადოებრივი აზრის კვლევა
ჯაფარიძე GFK-ზე: ამ "ობიექტური" კვლევის შედეგები წინასწარ იცოდა სააკაშვილმა
tbl.ge/1sbg
დაკოპირდა
ახალი პოლიტიკური ცენტრი თავმჯდომარე ზურაბ ჯაფარიძე GFK-ს ჩატარებული კვლევის შესახებ, რომლის მიხედვითაც, გირჩს 0.3%-იანი რეიტინგი აქვს.
ამავე თემაზე
- Edison-ის კვლევა: 19%-ის აზრით წელს ცხოვრება გაცილებით უარესია, შედარებით უარესია - 24%
- ენმ ქართული ოცნების შიდა კვლევებზე: ხელისუფლება თვითილუზიასაა მიცემული
- კობახიძე: ამომრჩეველთა ხმების აბსოლუტური უმრავლესობის მოპოვებას შევძლებთ
- კობახიძე: ჯენტლმენობა გამოვიჩინეთ და სხვა პარტიების შედეგები არ დავდეთ
- ბიგვავა: შიდა კვლევებით, 65% ფიქრობს, რომ არჩევნებს ქართული ოცნება მოიგებს