პარლამენტმა საკონსტიტუციო სასამართლოს შესახებ კანონთან დაკავშირებით პრეზიდენტის მოტივირებული შენიშვნები გაიზიარა. შენიშვნებს მხარი 84-მა დეპუტატმა დაუჭირა, წინააღმდეგ არცერთი არ წასულა.
პრეზიდენტ გიორგი მარგველაშვილის მიერ პარლამენტისთვის შეთავაზებული წინადადებები ეხება საკონსტიტუციო სასამართლოს პლენუმის მიერ გადაწყვეტილების მიღების კვორუმს, მოსამართლეთათვის 10-წლიანი უფლებამოსილების ვადის ბოლომდე გამოყენებასა და პლენუმისათვის განსახილველად გადაცემული საკითხის განხილვაზე უარის თქმის შემთხვევას.
