პროკურატურა კორცხელის ინციდენტზე ვიცეპრემიერის, კახა კალაძის დაკითხვას არ აპირებს. ამის შესახებ ინფორმაციას რუსთავი 2 საქართველოს მთავარი პროკურორის, ირაკლი შოთაძის განცხადებაზე დაყრდნობით ავრცელებს.
შოთაძის თქმით, პროკურატურა ენმ-ის წევრებს, გიგა ბოკერიასა და ნიკა მელიას დაკითხავს, ხოლო კალაძის დაკითხვას ისინი არ აპირებენ.
შეგახსენებთ, რომ 22 მაისს ზუგდიდში, კორცხელის საარჩევნო უბანთან ენმ-ის წევრებს - გიგა ბოკერიას, თენგიზ გუნავას, ნიკა მელიას და პარტიის კიდევ რამდენიმე წარმომადგენელს ფიზიკური შეურაცხყოფა მიაყენეს.
ერთიანი ნაციონალური მოძრაობის ცნობით, თბილისიდან ჩაყვანილი მოჭიდავეები და მორაგბეები რკინის ხელკეტებით და კასტეტებით შეიარაღებულები უსწორდებოდნენ ადამიანებს.
