25 წლის წინ ჩვენ დავიწყეთ სვლა დამოუკიდებლობიდან თავისუფლებისაკენ. თავისუფლებისკენ სვლა ნიშნავს, რომ ჩვენ შევქმნათ თავისუფალი ადამიანების შექმნილი თავისუფალი საზოგადოება. თავისუფალი ადამიანი არა მარტო თვითონ არის თავისუფალი, არამედ იცავს და პატივს სცემს სხვათა თავისუფლებასაც. ასეთი საზოგადოება უნდა შევქმნათ ჩვენ. ჩვენ უნდა შევქმნათ სახელმწიფო, სადაც თითოეული ადამიანის თავისუფლება დაცულია. ეს არის ჩვენი ტრადიციები და ეს არის ჩვენი ღირებულებები. სწორედ ამიტომ, ამ სულისკვეთებით წლევანდელი წელი, მნიშვნელოვანი წელი 25-წლიანი დამოუკიდებლობისა, მინდა სახელმწიფოს წლად გამოვაცხადო, რადგან მტკიცედ მჯერა, ჩვენი ინდივიდუალური და კულტურული დამოუკიდებლობა სახელმწიფოებრიობაში ჩვენ სწორედ წელს უნდა გადავიტანოთ. ამ წელს ჩვენ კიდევ გადავდგამთ მტკიცე ნაბიჯებს ევროპულ და ევროატლანტიკურ გზაზე. დღეს აქ თქვენთან ერთად ვდგავარ და ვზეიმობ ამ მშვენიერ დღეს და ვხედავ იმ გამარჯვებებს, რომლებშიც ჩვენ ერთად ვიქნებით, იმ გამარჯვებებს, რომლებსაც ჩვენ მივაღწევთ, როგორც დამოუკიდებელი, დემოკრატიული და თანამედროვე ერი. ღმერთი ფარავდეს საქართველოს.
tbl.ge/1pkp
დაკოპირდა
პრეზიდენტი გიორგი მარგველაშვილი თავისუფლების მოედანზე მიმდინარე საზეიმო ღონისძიებებისას, ახალწვეულების მიერ სამხედრო ფიცის დადების შემდეგ, სიტყვით გამოვიდა.
ამავე თემაზე
- ტიხანოვსკაია: გილოცავთ დამოუკიდებლობის დღეს, იმსახურებთ, თავად გადაწყვიტოთ თქვენი მომავალი
- ზურაბიშვილი რუსეთთან ფრენებზე: ნუთუ ჩვენი ღირსება 200 თუ 300 მილიონად იყიდება?
- ჩერგოლეიშვილი: 28 მაისს ვაჩვენებთ, რატომ ღირს ამ ქვეყნისთვის ბრძოლა
- ვუსურვებთ საქართველოს თავისუფლებას, მშვიდობას, კეთილდღეობას EU-სთან ერთად – გერმანიის საელჩო
- ხვადაგიანი: ჩვენი გზა ევროპისკენ მიდის, ჟორდანიას სიტყვები დღევანდელობასაც შეესაბამება