რუსმა ოკუპანტებმა საჩხერეში საქართველოს 9 მოქალაქე დააკავეს. ინფორმაციას ტელეკომპანია რუსთავი 2 ავრცელებს.
არსებული ინფორმაციით, ოკუპანტებმა მოქალაქეები მაშინ აიყვანეს, როდესაც ისინი საოკუპაციო ხაზთან ახლოს ჯონჯოლის საკრეფად იყვნენ წასული.
ადგილობრივ მუნიციპალიტეტში მომხდარს ადასტურებენ. სახელმწიფო უსაფრთხოების სამსახურში აცხადებენ, რომ 9 მოქალაქის დაკავება საოკუპაციო ძალების მიერ მოხდა.
