ეროვნულმა ფორუმმა კოალიცია ქართული ოცნების გარდა, საპარლამენტო უმრავლესობაც დატოვა. ამის შესახებ ცოტა ხნის წინ გამართულ ბრიფინგზე პარტიის ლიდერებმა გუბაზ სანიკიძემ და კახა შარტავამ განაცხადეს.
"არჩევნებისთვის მზადების პროცესის საერთო პოლიტიკური ხელმძღვანელობა დამევალა მე. ასევე, მომავალი საპარლამენტო სიის სათავეში ყოფნაც დამევალა მე. ვითარებიდან გამომდინარე, ამ ორივე ვალდებულებას შევასრულებ ჩემი შესაძლებლობების ფარგლებში", - თქვა შარტავამ.
ფრაქცია ეროვნულ ფორუმს პარლამენტში ექვსი წევრი ჰყავს.
