ადიგენში შეთანხმებას მიაღწიეს. სოფელში მოქმედ სასაფლაოს შეუერთებენ მიწას, სადაც მუსლიმ მიცვალებულებს დაკრძალავენ. სასაფლაოს ორი დამოუკიდებელი შესასვლელი ექნება.
2 მარტს გამართულ მოლაპარაკებაში მონაწილეობდნენ სამცხე-ჯავახეთის გუბერნატორ-რწმუნებული, სრულიად საქართველოს მუფთი, ადიგენის მუსლიმური და მართლმადიდებელი მოსახლეობა, გამგებელი და ჭულეს მონასტრის წინამძღვარი.
ინციდენტზე, რომელიც სადავო სასაფლაოს გამო მოხდა, გამოძიება მიმდინარეობს. ოფიციალური ინფორმაციით, მსუბუქი ხარისხის დაზიანებები მიიღეს მუსლიმი თემის წარმომადგენლებმა.
