ექიმი: პეტრიაშვილის ოპერაცია წარმატებით დასრულდა

პაციენტის მდგომარეობა არის სტაბილური, ოპერაცია წარმატებით დასრულდა. მას აღენიშნებოდა 3 ცეცხლსასროლი ჭრილობა ქვედა კიდურის არეში და შორისის არეში. სიცოცხლისთვის საშიში ჭრილობა არ აღენიშნება. თირკმელთან ახლოს არის ტყვია, რომელსაც ამ დროისთვის მივიჩნევთ, რომ არ სჭირდება ამოღება. თავის არეში აქვს ბლაგვი საგნით მიყენებული დაზიანება.