ფინანსთა მინისტრის ნოდარ ხადურის ინფორმაციით, მომავალი წლის პირველი სექტემბრიდან, მაღალმთიან რეგიონებში მცხოვრები პენსიონერების პენსია 216 ლარი იქნება.
"ბიუჯეტის მთავარი პრიორიტეტი ადამიანზე ზრუნვა და მისი მდგომარეობის გაუმჯობესებაა. ბიუჯეტის ხარჯების 1/3 ჯანდაცვის სამინისტროზე მოდის. ასევე, 180 ლარამდე იზრდება პენსია. კიდევ ერთ საინტერესო რიცხვს გეტყვით - მომავალი წლის პირველი სექტემბრიდან მაღალმთიან რეგიონებში მცხოვრები პენსიონერებისთვის პენსია 216 ლარი იქნება", - თქვა ხადურმა.
პარლამენტმა აღნიშნული ბიუჯეტის პროექტი 83 ხმით მიიღო. პენსიებს ზრდა მაღალმთიანი ტერიტორიების კანონს უკავშირდება, ამავე კანონის მეშვეობით მაღალმთიან რეგიონებში არსებულ ბიზნესებს საგადასახადო შეღავათები დაუწესდებათ.