საფრანგეთის პრეზიდენტის, ფრანსუა ოლანდის განცხადებით, საფრანგეთი დარჩება თავისუფლების ქვეყნად და პარიზის ტერაქტის მიუხედავად, აღმოსავლეთიდან წამოსულ მიგრანტებსა და ლტოლვილებს ისევ მიიღებს.
„ცხოვრება უნდა გაგრძელდეს, რა იქნება საფრანგეთი მუზეუმების, ტერასების, კონცერტებისა და სპორტული შეჯიბრებების გარეშე?" - განაცხადა ოლანდმა საფრანგეთის მერებთან გამართულ შეხვედრაზე.
მისივე თქმით, ქვეყანა მომავალი ორი წლის მანძილზე კიდევ 30 ათას ლტოლვილს მიიღებს, თუმცა სასაზღვრო კონტროლი და უსაფრთხოების შემოწმება უფრო გამკაცრდება.
