შინაგან საქმეთა სამინისტროს გამოქვეყნებული დანაშაულის სტატისტიკის თანახმად, 2015 წლის ათ თვეში გასული წლის ანალოგიურ პერიოდთან შედარებით, სიცოცხლის და ჯანმრთელობის წინააღმდეგ მიმართულმა დანაშაულებმა მოიმატა. კერძოდ, 2015 წლის იანვარ-ოქტომბერში სიცოცხლის წინააღმდეგ მიმართული დანაშაულის 705 ფაქტი დაფიქსირდა, ხოლო 2014 წლის იმავე პერიოდში - 660. შესაბამისად, ამ ტიპის დანაშაული 6.8%-ით არის გაზრდილი. მათ შორის, მომატებულია განზრახ მკვლელობის, მკვლელობის მცდელობის, თვითმკვლელობამდე მიყვანის ფაქტები.
რაც შეეხება ჯანმრთელობის წინააღმდეგ მიმართულ დანაშაულს, შსს-ს ინფორმაციით, წინა წელთან შედარებით, ამ ტიპის დანაშაული 23.22%-ით (+742 შემთხვევა) გაიზარდა. კერძოდ, 2015 წლის იანვარ-ოქტომბერში ჯანმრთელობის წინააღმდეგ მიმართული დანაშაულის 3937 ფაქტი დაფიქსირდა, 2014 წლის ანალოგიურ პერიოდში კი, ეს მაჩვენებელი 3195 იყო.
