პირველ რიგში, რა თქმა უნდა, გამოძიებას უნდა მივცეთ იმის საშუალება, რომ შესაბამისი მოწმეები დაკითხოს, მტკიცებულებები მოიპოვოს. ყველაფერთან ერთად, რა თქმა უნდა, არსებობს ოპერატიული ინფორმაციაც. გუშინ სწორედ ამიტომ მოხდა გარკვეული ავტომანქანების დათვალიერება. ნიკა გვარამიამ, იურისტმა, ყოფილმა გენერალურმა პროკურორმა უნდა იცოდეს, რომ პოლიციის შესახებ კანონის მიხედვით, პოლიციელებს აქვთ დათვალიერების უფლება, მით უმეტეს, როდესაც არსებობს ოპერატიული ინფორმაცია; მით უმეტეს, როდესაც ამ ჩანაწერებიდან ჩანს, რომ გარკვეულ რევოლუციურ გეგმას ისახავდა მიზნად ნაციონალური მოძრაობა, სამწუხაროდ, ისევ და ისევ რუსთავი 2-ის გამოყენებით. მე გული მწყდება იმ მოცემულობაზე, რომ ბევრს არ აქვს სწორად გააზრებული, რომ ნაციონალურმა მოძრაობამ, უშუალოდ მიხეილ სააკაშვილმა, რუსთავი 2-ში ჩადო თავის დროზე ძალიან დიდი ნაღმი. ეს ნაღმი იყო მისი პოლიტიკური დაქვემდებარება, უკანონოდ 20-ჯერ წილები გადაყიდა ნაციონალური მოძრაობის წევრებზე და ამ პროცესში, პირდაპირ თუ ირიბად, ჟურნალისტები და კიდევ სხვა ადამიანები ამ მოცემულობის მსხვერპლი არიან.
რუსთავი 2-ის საქმე
სესიაშვილი: სააკაშვილმა თავის დროზე რუსთავი 2-ში ჩადო ძალიან დიდი ნაღმი
