ლანჩხუთში, ერთიანი ნაციონალური მოძრაობის ოფისის შესასვლელი შეადუღეს. ინციდენტს წინ ენმ-ის წარმომადგენლებთან შელაპარაკება უძღოდა, რაც პოლიციის ჩართვის შემდეგ დასრულდა. სამართალდამცველებმა ოფისის მიმდებარე ტერიტორიიდან ოპოზიციის წევრები გაიყვანეს.
რუსთავი 2-ის ცნობით, პოლიცია ესწრებოდა ოფისის დალუქვასაც, თუმცა არავინ დაუკავებია. ტელეკომპანიის ინფორმაციით, შეკრებილებს შორის იყვნენ ადგილობრივი ხელისუფლების წევრებიც.
ცნობისთვის, ბოლო რამდენიმე დღეა, ქართული ოცნების წარმომადგენლების მონაწილეობით, ენმ-ის რეგიონულ ოფისებს თავს ესხმიან და ღებავენ. ასევე, ცოცხებსა და კვერცხებს ესვრიან. აქციის მონაწილეები ერთიანი ნაციონალური მოძრაობის ლიკვიდაცია მოითხოვეს ქუთაისის, გორის, ბათუმისა და ოზურგეთის რეგიონულ ოფისებთან.
