საზოგადოებრივი მაუწყებლის გადაცემა პირველი სტუდიის წამყვანი ეკა მიშველაძე მისი თოქშოუს დახურვის შესახებ გავრცელებულ ინფორმაციას არც უარყოფს და არც ადასტურებს.
„ჯერ ვერაფერს გეტყვით. ახლა მივდივარ სამსახურში, შვებულების მერე პირველად“, - უთხრა პორტალ კვირას ეკა მიშველაძემ.
რამდენიმე საინფორმაციო სააგენტო საზოგადოებრივი მაუწყებლის თანამშრომლებზე დაყრდნობით წერს, რომ ეკა მიშველაძის გადაცემა პირველი სტუდია დაიხურა. აქვე შეგახსენებთ, რომ ტელეკომპანია იმედმა საზოგადოებრივ-პოლიტიკური გადაცემები შეაჩერა.