კრიზისი უკრაინაში

პოროშენკო აშშ-ს 1240 ჯაველინის ტიპის ტანკსაწინააღმდეგო კომპლექსს სთხოვს

dailystormer.com

უკრაინა შეერთებულ შტატებს 1240 ჯაველინის ტიპის ტანკსაწინააღმდეგო კომპლექსს სთხოვს. ამის შესახებ ქვეყნის პრეზიდენტმა უოლ სთრით ჯორნალისთვის მიცემულ ინტერვიუში განაცხადა. პეტრო პოროშენკოს თქმით, ზუსტად ამდენი - 1240 ბირთვული ქობინი დათმო უკრაინამ 1994 წელს, შეერთებული შტატების, დიდი ბრიტანეთისა და რუსეთისგან მიღებული სუვერენიტეტისა და ტერიტორიული მთლიანობის გარანტიების სანაცვლოდ. პოროშენკოს თქმით, რუსეთი მინსკის შეთანხმებას კვლავ არღვევს, დაღუპულთა რიცხვმა კი 9 ათასს მიაღწია.

უკრაინაში დაღუპულთა შესახებ საკუთარი მონაცემები გაერომაც გამოაქვეყნა. ამ მონაცემების თანახმად, 2014 წლის აპრილიდან უკრაინაში 6 ათას 800 ადამიანი დაიღუპა და 17 ათასი დაშავდა.

დღეს რუსულმა გამოცემა გაზეტა-რუმ გამოაქვეყნა ცნობა იმის შესახებ, რომ უახლოეს დღეებში მოსკოვში უკრაინის ე. წ. ალტერნატიული მთავრობის პრეზენტაცია შედგება, რომელსაც ქვეყნის ყოფილი პრემიერი ნიკოლაი აზაროვი უხელმძღვანელებს. 

 

კომენტარები