საგანგებო შტაბის ინფორმაციით, 13-14 ივნისს თბილისში მომხდარი სტიქიის შედეგად, ოფიციალური მონაცემებით, ამ დროისათვის გარდაცვლილია 19 ადამიანი, აქედან იდენტიფიცირებულია 17.
შტაბის ცნობით, მიმდინარეობს 2 ცხედრის იდენტიფიცირება. ერთი ნაპოვნია მზიურის ტერიტორიაზე, მეორე მდინარე მტკვარმა გამორიყა გარდაბნის რაიონში. ამასთანავე, ოფიციალური მონაცემებით, ამ დროისათვის უგზო-უკვლოდ დაკარგულად ითვლება 6 ადამიანი.
