წყნეთი ბეთანიის დამაკავშირებელ გზაზე კიდევ ერთი დაღუპული იპოვეს. მაშველების თქმით გარდაცვლილი 35 წლამდე ასაკის მამაკაცია. მანამდე ამ ტერიტორიაზე ერთი ქალი დაიღუპა.
წყნეთი ბეთანიის დამაკავშირებელ გზაზე ჩამოწოლილი მეწყერის შედეგად 4 ადამიანი დაშავდა ისინი სხვადასხვა სახის მოტეხილობებით საავადმყოფოში გადაიყვანეს. ადგილზე ამ დრომდე ხუთამდე ადამიანს ეძებენ.
გუშინ, 5-საათიანი ძლიერი წვიმის შედეგად, წყნეთი-ბეთანიის გზაზე მეწყერი ჩამოწვა და მდინარე ვერე ადიდდა. სტიქიის გამო დაიტბორა სახლები, გზები, ათი ადამიანი დაიღუპა, 20-ამდე დაშავდა, რამდენიმე ადამიანი დაკარგულად ითვლება. გარდა ამისა, დაიტბორა თბილისის ზოოპარკი და მტაცებელი ცხოველები ქალაქში გაიქცნენ. ცხოველების ნაწილი მოკლეს, ნაწილი კი, დააძინეს და ზოოპარკში დააბრუნეს. მტაცებლების ძებნა ამ დრომდე გრძელდება.
