მშვენიერაძე: აღარავინ დავობს, რომ სახელმწიფოს რეალური მმართველი ივანიშვილია

აღარავინ აღარ დავობს ქვეყანაში, არც ხელისუფლება, არც ოპოზიცია და არც საზოგადოება, რომ სახელმწიფოს რეალური მმართველი არის ბიძინა ივანიშვილი და მეორე ფლანგზეა აღმასრულებელი ხელისუფლების მეთაური... ეს სიჩუმე და ეს მიმღებლობა ამ ფაქტის არის ყველაზე მეტად შემაშფოთებელი. უკვე არ დარჩა მგონი საქართველოში არავინ, თუ ღრმად ქართული ოცნების მხარდამჭერი არ არის, რომელიც ღიად არ საუბრობდეს ამაზე. ეს საუბრები მიდის არამარტო დახურულ სივრცეებში, როგორც მანამდე ხდებოდა, არამედ საჯაროდ... რეალურად ის კარნახობს სახელმწიფოს თამაშის წესებს, ის იღებს ნებისმიერ საკადრო გადაწყვეტილებას.