მე სამწუხაროდ ვერ შევალ აღნიშნული საქმის დეტალების განხილვაში. იმიტომ, რომ ეს პოლიტიკური პარტიის წარმომადგენლის მხრიდან, ყველა შემთხვევაში იქნება განხილული, როგორც ზეწოლა გამოძიებასა და სასამართლოზე. ამის უფლებას მე საკუთარ თავს ვერ მივცემ. ასევე, ვერ მივცემ საკუთარ თავს უფლებას, განვმარტო პრემიერის განცხადებები. მან ძალიან კარგად და გასაგებად ჩამოაყალიბა თავისი პოზიცია. ბატონი ირაკლი ღარიბაშვილი ჩემზე ბევრად უკეთ ერკვევა სამართალდამცავი სტრუქტურების მუშაობაში, რადგან ის თავად გახლდათ შინაგან საქმეთა მინისტრი, როდესაც ჩვენი ხელისუფლება მოვიდა სათავეში. შესაბამისად, მე ნამდვილად არ მაქვს უფლებამოსილება და არც შესაძლებლობა, რომ მეტი ახსნა-განმარტება გავაკეთო ამ საკითხთან დაკავშირებით. ზოგადად, მე ვამაყობ იმით, რომ პრემიერი არის ჩვენი გუნდის გამორჩეული ლიდერი, რომელსაც არაჩვეულებრივად ესმის თუნდაც კრიმინალთან ბრძოლის საჭიროება და ძალიან მკაფიო და მყარი პოზიციები გააჩნია ამ საკითხებთან დაკავშირებით.
პოლიციელის მკვლელობა
ჩაფიძე: ვერ მივცემ საკუთარ თავს უფლებას, განვმარტო პრემიერის განცხადებები
