საფრანგეთში ადგილობრივი არჩევნების პირველ ტურში ყოფილი პრეზიდენტის ნიკოლა სარკოზის პარტია ლიდერობს.
ბიულეტენების დიდი ნაწილის დათვლის შემდეგ კავშირს სახალხო მოძრაობისათვის მოსახლეობის 36% უჭერს მხარს, მეორე ადგილზე 26%-ით მარი ლე პენის ეროვნული ფრონტია. სოციალისტების მმართველი პარტია კი 20%-ით მესამე ადგილზეა.
საფრანგეთში არჩევნების მეორე რაუნდი 29 მარტს გაიმართება. საბოლოო შედეგები თუ არ შეიცვლება, არჩევნებში სარკოზის ლიბერალურ-კონსერვატორული პარტია ლე პენის ეროვნულ ფრონტს დაუპირისპირდება.