პარიზში ე. წ. ნორმანდიის ოთხეულის საგარეო საქმეთა მინისტრების შეხვედრა დაიწყო. გერმანიის, საფრანგეთის, რუსეთისა და უკრაინის საგარეო უწყებების ხელმძღვანელები მინსკის შეთანხმების შესრულების საკითხზე მსჯელობენ. ეს პირველი შეხვედრაა 12 თებერვალს შეთანხმების გაფორმების შემდეგ.
უკრაინის საგარეო უწყების განცხადებით, კიევი ქვეყანაში ევროკავშირისა და გაეროს სამშვიდობო ძალების შეყვანის საკითხის დაყენებას აპირებს.
