სააპელაციო სასამართლომ თავდაცვის სამინისტროს ხუთი მაღალი თანამდებობის პირის საჩივარი დაუშვებლად ცნო. დაკავებულების ადვოკატის ლევან სამუშიას ინფორმაციით, საჩივარში მოთხოვნილი იყო დაკავებულების მიმართ აღკვეთის ღონისძიების - პატიმრობის შეცვლა 10-10-ათასლარიანი გირაოთი.
თავდაცვის სამინისტროს ხუთ თანამშრომელს გამოძიება სატენდერო პირობების დარღვევით სახელმწიფო ბიუჯეტის კუთვნილი თანხის გაფლანგვას ედავება. საუბარია დაახლოებით 4 მილიონ ლარზე. საქმეს გრიფი ადევს და მასალები დაცვის მხარისთვის ამ დრომდე არ გადაუციათ. დაკავებულები დანაშაულს არ აღიარებენ. მათ თბილისის საქალაქო სასამართლომ აღკვეთის ღონისძიებად წინასწარი პატიმრობა შეუფარდა.