უკრაინის თავდაცვის მინისტი ვალერი გალეტეიმ უკრაინული არხის, მეხუთე არხის ეთერში ინტერვიუში თქვა, რომ უკრაინამ NATO-ს ქვეყნებიდან შეიარაღების მიღება დაიწყო - ამის შესახებ ინფორმაციას სააგენტო ITAR-TASS ავრცელებს.
მე შევხვდი მსოფლიოს წამყვანი ქვეყნების თავდაცვის მინისტრებს დახურულ კარებს უკან. მათ ესმით ჩვენი. ისინი ჩვენ შეიარაღებას მოგვაწვდიან - თქვა გალეტეიმ.
უკრაინის პრეზიდენტმა პეტრო პოროშენკომ 7 სექტემბერს თქვა, რომ NATO-ს წევრი ქვეყნები უკრაინას შეიარაღებს მიაწვდიან.
უკრაინის პრეზიდენტის პეტრო პოროშენკოს მრჩეველმა, იური ლუცენკომ სოციალურ ქსელში 7 სექტემბერს სტატუსი გამოაქვეყნა, სადაც ის წერს, რომ დასავლური ქვეყნები, ისეთი როგორიც არის შეერთებული შტატები, საფრანგეთი, იტალია, პოლონეთი და ნორვეგია თანახმანი არიან სამხედრო მრჩევლები და თანამედროვე შეიარაღება გადასცენ უკრაინას.
7 სექტემბერს, ამის საპასუხოდ ამერიკის შეერთებულმა შტატებმა, პოლონეთმა და ნორვეგიამ ინფორმაცია უარყვეს. საფრანგეთმაც უარი თქვა კომენტირებაზე.
