აშშ-ის თავდაცვის მდივანი ჩაკ ჰეიგელი საქართველოს ეწვევა.
აშშ-ისა და NATO-ს ერთ-ერთ ყველაზე მნიშვნელოვან და ქმედუნარიან პარტნიორს საქართველოს, ჰეიგელი სექტემბრის პირველ კვირაში ესტუმრება - ამის შესახებ საქართველოში აშშ-ის საელჩოს განცხადებაშია ნათქვამი.
”ჰეიგელს სურს მადლობა გადაუხადოს ქართველ ხალხს გასული ათწლეულის მანძილზე ერაყისა და ავღანეთის მისიებში შეტანილი წვლილისა და გაღებული მსხვერპლისათვის.
საქართველო იზიარებს აშშ-ის შეშფოთებას უკრაინაში რუსეთის ქმედებებთან დაკავშირებით და მინისტრის ვიზიტის ერთ-ერთი მთავარი თემაც სწორედ უკრაინა იქნება”- ნათქვამია საელჩოს განცხადებაში.