თბილისში, ლოკომოტივის სტადიონზე გამართული ჩიხურა-ბურასპორის მატჩის დროს ქართულმა ნეონაცისტურმა დაჯგუფებამ ანტითურქული გამოსვლა მოაწყო.
პენალტების სერიაში გატანილი გამარჯვების გოლი ჩიხურას ფეხბურთელმა თორნიკე მუმლაძემ სტუმარი გუნდის გულშემატკივრებთან მირბენით და მათთვის უხამსი ჟესტის ჩვენებით აღნიშნა. ხოლო მატჩის შემდგომ პრესკონფერენციაზე ქართული და თურქული მედიის წარმომადგენლებს შორის ფიზიკური დაპირისპირება მოხდა.
