საქართველოს 2015 წლის გაზაფხულამდე გერმანიის კანცლერი ანგელა მერკელი ეწვევა. პრემიერის პრესსამსახურის ცნობით, მერკელი ირაკლი ღარიბაშვილის მიწვევას დღეს დათანხმდა.
საქართველოს მთავრობის ინფორმაციით, პრემიერთან საუბრისას, "ანგელა მერკელმა ასევე გამოთქვა სურვილი, უახლოეს მომავალში გაიმართოს საქართველო-გერმანიის ეკონომიკური ფორუმი, რაც ორი ქვეყნის ეკონომიკური თანამშრომლობის გაღრმავებას შეუწყობს ხელს".