სლავიანსკში რუსი ინტერვენტები OSCE-ს(ეუთო) დაკავებული წარმომადგენლების გათავისუფლებას არ აპირებენ - ამის შესახებ ინფორმაციას უკრაინული მედიასაშუალება Украинская правда იუწყება.
Украинская правда-ს ინფორმაციით, სეპარატისტებმა უცხოელი სამხედროებს ბრალს NATO-ს ჯაშუშობაში დებენ. "მათ აღმოაჩნდათ სლავიანსკის სამედრო რუკები, ტყვიები და სამხედრო ჟეტონები", - განაცხადა სეპარატისტების წარმომადგენელმა.
შეგახსენებთ, რომ დონეცკის ოლქში, ქალაქ სლავიანსკში რუსმა ინტერვენტებმა გუშინ დანიელი ჯონ კრისტენსენი, პოლონელი კშიშტოფ კობელსკი და გერმანელი აქსელ შნაიდერი დააკავეს.