ვაკის პარკთან ახალგაზრდა ქალი დაჭრეს. რუსთავი 2-ის ინფორმაციით, შემთხვევა დაახლოებით ერთი საათის წინ მოხდა. ინციდენტის დეტალები ჯერჯერობით უცნობია. საპატრულო პოლიციამ და სასწრაფო დახმარების სამსახურმა გოგონა საავადმყოფოში უკვე გადაიყვანეს.
როგორც რუსთავი 2 თვითმხილველებზე დაყრდნობით იუწყება, ახალგაზრდა ქალი მამაკაცმა სავარაუდოდ ხანჯლით, სახის არესა და ფეხებში დაჭრა. ამასთან, შემთხვევის ადგილზე ექსპერტ-კრიმინალისტებმა ქარქაში იპოვეს.
შსს-ს ინფორმაციით, გოგონა ურთიერთშელაპარაკების ნიადაგზე დაჭრეს. სამინისტროს ცნობით, ეჭვმიტანილის ვინაობა დადგენილია და მის დასაკავებლად სამძებრო სამუშაოები მიმდინარეობს. გამოძიება 117-ე მუხლით მიმდინარეობს, რაც ჯანმრთელობის განზრახ დაზიანებას გულისხმობს.