ირანელი ქალები 1979 წლის ისლამურ რევოლუციამდე

2014 წლის თებერვალში ირანის ისლამური რევოლუციიდან 35 წელი შესრულდა. 1979 წელს შაჰ რეზა ფეჰლევის მმართველობა ისლამისტებმა აიათოლა რუჰოლა ხომეინის მეთაურობით დაამხეს. ფეჰლევი, რომელიც აშშ-ის უპირობო მხარდაჭერით სარგებლობდა, აშშ-ში გაიქცა. ის თავისი მმართველობის წლებში ცდილობდა ქვეყანა დასავლური ცივილიზაციის გზით წაეყვანა, ქვეყანაში დასავლური ცხოვრების სტილს ამკვიდრებდა, გაზარდა ქალთა უფლებები, თუმცა, ოპონენტების წინააღმდეგ რეპრესიებმა, სწრაფვამ უზომო ფუფუნებისა და კორუფციისკენ, ისლამისტებს რევოლუციის მოხდენის საშუალება მისცა. ხომეინი ქვეყნის ლიდერი გახდა, რის შემდეგაც რეპრესიებს ათიათასობით ადამიანი ემსხვერპლა, მნიშვნელოვნად შეიზღუდა ადამიანის უფლებები, ქვეყანამ დასავლური ცხოვრების წესზე უარი თქვა, არაერთი შეზღუდვა დაუწესდათ მოქალაქეებს, მათ შორის, ჩაცმულობასთან დაკავშირებით.