გედევანიშვილი ევროპის ჩემპიონატზე მოკლე პროგრამის შემდეგ მეშვიდეა

ბუდაპეშტში მიმდინარე ევროპის ჩემპიონატზე ფიგურულ ციგურაობაში, ქართველმა ელენე გედევანიშვილმა იასპარეზა.

54.78 ქულით, გედევანიშვილი 37 მოციგურავეს შორის მე-7 ადგილზე გავიდა. 70,73 ქულით პირველი ადგილი ადელინა სოტნიკოვამ დაიკავა.

გუშინვე მოკლე პროგრამით ქართველმა წყვილმა ისრიალა და, სამწუხაროდ, 27-ე ადგილზე გავიდა. ჯაფარიძე-ტელეგინას დუეტმა 42.07 ქულა დაიმსახურა, პირველ ადგილზე გასულებმა იტალიელმა ანა კაპელინიმ და ლუკა ლანოტემ კი - 69.5.