სოჭის ოლიმპიურ მშენებლობაზე დასაქმებულმა მუშამ პროტესტის ნიშნად პირი ამოიკერა. ვიდეო რუსულ ბლოგზე გავრცელდა. რომან კუზნეცოვის განცხადებით, მას 2 თვის განმავლობაში ხელფასი არ მიუღია. კუზნეცოვი სოჭის ოლიმპიური მედიაცენტრის წინ ხელფასის გადახდის მოთხოვნით გამოვიდა და შიმშილობა გამოაცხადა.
ოლიმპიურ მშენებლობაზე დასაქმებული მუშები ხელფასებს რომ ვერ იღებენ, ამის შესახებ Human Rights Watch-იც წერს. ორგანიზაციის ანგარიშის მიხედვით, მშენებელთა უმრავლესობა ყოფილი საბჭოთა კავშირის ქვეყნებიდან არიან და სოჭში მიმდინარე მშენებლობებზე ხელფასებს ვერ იღებენ.
