ქართველმა წყვილმა სოჭის ოლიმპიური თამაშების ლიცენზია ვერ მოიპოვა

გერმანიის ქალაქ ობერსტდორფში, დასრულდა ტურნირი ფიგურულ სრიალში, სადაც სოჭის ოლიმპიადის ლიცენზიები თამაშდებოდა.

ქართულმა წყვილმა - ოთარ ჯაფარიძისა და ანგელინა ტელეგინას შემადგენლობით 22 დუეტს შორის მეცამეტე ადგილი დაიკავა და ოლიმპიური ლიცენზიის გარეშე დარჩა.

პირველ ადგილზე ამერიკული წყვილი - მედისონ ჰაბელი და ზაქარი დონოჰიუ 147.11 ქულით გავიდა, რაც შეეხება ჯაფარიძე - ტელეგინას წყვილს, საბოლოოდ მათმა მონაგარმა 118.66 ქულა შეადგინა.

შეგახსენებთ, რომ ობერსტდორფში იასპარეზა კიდევ ერთმა ქართველმა მოციგურავე ელენე გედევანიშვილმა, რომელმაც სოჭის ზამთრის ოლიმპიური თამაშების ლიცენზიის მოპოვება შეძლო.