პირობითი მსჯავრის შემთხვევაში გამოსაცდელი ვადის მაქსიმალური ზღვარი ექვსი წელი იქნება, ხოლო მინიმალური - ერთი წელი. ამ ცვლილებებს ითვალისწინებს სასჯელაღსრულების, პრობაციისა და იურიდიული დახმარების საკითხთა სამინისტროს მიერ სისხლის სამართლის კოდექსში მომზადებული ცვლილებათა პროექტი. ამასთან, ცვლილებათა პროექტის მიხედვით, სასჯელთა შეკრებითობისას, მინიმალურ ზღვრად დგინდება 2 წელი, ხოლო მაქსიმალურად - 6 წელი.
სასჯელაღსრულების, პრობაციისა და იურიდიული დახმარების საკითხთა სამინისტროში მომზადებული საკანონმდებლო ცვლილებათა პროექტი მთავრობამ მოიწონა. კანონპროექტი საქართველოს პარლამენტში განსახილველად მომავალ კვირას შევა.