25 ივლისის ბრძანებით საქართველოს პრემიერმინისტრმა საგანმანათლებლო პროგრამების აკრედიტაციის საბჭოს ახალი შემადგენლობა დაამტკიცა. პრემიერის ბრძანება მთავრობის ვებგვერდზე უკვე გამოქვეყნდა.
საბჭოს სოციალურ მეცნიერებათა ცენტრის დირექტორი მარინე ჩიტაშვილი უხელმძღვანელებს.
საბჭოს ახალ შემადგენლობაში ასევე შედიან:
- მაგდა მაღრაძე - ფონდი "ღია საზოგადოება - საქართველოს" უმაღლესი განათლების საერთაშორისო განვითარების პროგრამის აკადემიური მხარდაჭერის პროგრამის ხელმძღვანელი
- მაია ჩიხლაძე - შპს - საზოგადოებრივ კოლეჯ "პანაცეას" დირექტორის მოადგილე;
- ირაკლი მაჩაბელი - ა(ა)იპ - საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის პროფესორი;
- ზაზა მარუაშვილი - შპს - კავკასიის უნივერსიტეტის პროფესორი;
- ნანა გაფრინდაშვილი - ა(ა)იპ - ივანე ჯავახიშვილის სახელობის თბილისის სახელმწიფო უნივერსიტეტის პროფესორი;
- ზაზა რუხაძე - ა(ა)იპ - საქართველოს ტექნიკური უნივერსიტეტის მოწვეული პროფესორი, შპს - ქართულ-ამერიკული უნივერსიტეტის პროფესორი;
- მამია ჯანჯალია - სსიპ - განათლების მართვის საინფორმაციო სისტემის უფროსის მოადგილე;
- დავით კახნიაშვილი - საქართველოს კერძო სკოლების ასოციაციის თავმჯდომარე, სკოლა "მწიგნობართუხუცესის" დირექტორი.
საგანმანათლებლო პროგრამების აკრედიტაციის საბჭო სახელმწიფოს მიერ დაფუძნებული და კერძო უმაღლესი დაწესებულებების ყველა საგანმანათლებლო პროგრამას ამტკიცებს.