შსს-მ 1 მაისის აქციასთან დაკავშირებით ვიდეოჩანაწერი გაავრცელა

შინაგან საქმეთა სამინისტრომ, საზოგადოების ნაწილის მიერ გამოთქმული მოსაზრების გამო, თითქოს პირველი მაისის აქციაზე პოლიციამ უფლებამოსილებას გადააჭარბა, ოფიციალურ გვერდზე ვიდეომასალა გამოქვეყნა. 

ვიდეოკადრები გარე სათვალთვალო კამერების მიერაა დაფიქსირებული. სამინისტროს განცხადებით, აღნიშნულ ვიდეომასალაში ნათლად ჩანს, თუ როგორ არღვევენ დემონსტრანტები საზოგადოებრივ წესრიგს, რაც გამოიხატა შენობების იერსახის დამახინჯებასა და მოქალაქეების კუთვნილი ავტომანქანების დაზიანებაში.

იხილეთ განცხადების ბმული

ვიდეომასალის გავრცელებამდე შინაგან საქმეთა მინისტრმა, ირაკლი ღარიბაშვილმა განაცხადა, რომ პოლიცია აქციაზე საზოგადოებრივ წესრიგს იცავდა: "პო­ლი­ცია მო­იქ­ცა ისე, რო­გორც უნ­და მოქ­ცე­უ­ლი­ყო და და­იც­ვა სა­ზო­გა­დო­ებ­რი­ვი წეს­რი­გი. აქ­ცი­ის მო­ნა­წი­ლე რამ­დე­ნი­მე პი­რი გან­სა­კუთ­რე­ბუ­ლი აგ­რე­სი­უ­ლო­ბით გა­მო­ირ­ჩე­ო­და. ჩვენ გვაქვს კად­რე­ბი, რომ შემ­ხვედრ მძღოლს სრუ­ლი­ად უმი­ზე­ზოდ ავ­ტო­მან­ქა­ნა და­უ­ზი­ა­ნეს. რამ­დე­ნი­მე პი­რის დეს­ტრუქ­ცი­უ­ლი ქმე­დე­ბა კი მოგ­ვი­ა­ნე­ბით მთელ მა­სას გა­და­ე­დო. ყვე­ლას უნ­და ახ­სოვ­დეს თა­ვი­სი ვალ­დე­ბუ­ლე­ბა, და­იც­ვას კა­ნო­ნი. პო­ლი­ცი­ის არა­ერ­თი მო­წო­დე­ბის მი­უ­ხე­და­ვად, რამ­დე­ნი­მე დეს­ტრუქ­ცი­უ­ლი ენერ­გი­ის შემ­ტან­მა პირ­მა უსი­ა­მოვ­ნო შე­დე­გი მო­ი­ტა­ნა", - გა­ნაც­ხა­და ღა­რი­ბაშ­ვილ­მა.