ერთიანი ეროვნული გამოცდებისთვის რეგისტრაცია დაიწყო. გამოცდების ეროვნული ცენტრის განცხადებით, აბიტურიენტებს სასურველი უმაღლესი სასწავლებლებისა და ფაკულტეტების არჩევა დღეიდან 20 დღის განმავლობაში შეეძლებათ. რეგისტრაცია ინტერნეტითაა შესაძლებელი ცენტრის ვებგვერდზე - www.naec.ge . საგანმანათლებლო პროგრამების ნახვა აბიტურიენტებს ვებგვერდის გარდა გაზეთ "ახალ განათლებაშიც" შეუძლიათ.
შეგახსენებთ, რომ წელს განათლების სამინისტრო სახელმწიფოს მიერ დაფუძნებულ უნივერსიტეტებში 14 აკრედიტირებულ საგანმანათლებლო პროგრამას სრულად დააფინანსებს.