ენერგეტიკისა და ბუნებრივი რესურსების მინისტრის, კახა კალაძის თქმით, სტიქიის შედეგად მიყენებული ზარალის რაოდენობა ერთი მილიონი ლარით გაიზარდა. ამის შესახებ კალაძემ ჟურნალისტებს, მთავრობის სხდომის დაწყებამდე განუცხადა.
მინისტრის ცნობით, ზარალმა 6 მილიონ ლარს მიაღწია და ეს თანხა პრემიერმინისტრის სარეზერვო ფონდიდან გამოიყოფა.
რეგიონული განვითარებისა და ინფრასტრუქტურის მინისტრის, დავით ნარმანიას განცხადებით, აჭარაში სარეაბილიტაციო სამუშაოები მიმდინარეობს, მისივე თქმით, წლის მეორე ნახევარში ნაპირსამაგრი სამუშაოები დაიწყება.