სამართალდამცველებმა ოპერატიული ინფორმაციის საფუძველზე ახალქალაქში, აეროპორტის საერთო საცხოვრებელში არსებული მიტოვებული საცხოვრებელი სახლიდან დიდი ოდენობით საბრძოლო მასალა ამოიღეს.
ამოღებულია ორი ცალი საკვალე კოჭა, ცხრა ცალი "ეფ-1" ტიპის ხელყუმბარა, ოთხი კაფსულის დეტონატორი მუხტით, ხოლო ერთი დეტონატორი ამფეთქებლის გარეშე, ერთი ცალი N7 ტიპის "ერგედე"-ს ხელყუმბარა, 1 ცალი ტანკსაწინააღმდეგო ხელყუმბარა, 2497 ცალი 7,62 კალიბრიანი ვაზნა, 96 ცალი 5,45 კალიბრიანი "აკაეს"-ის ვაზნა, სამი ცალი იარაღის ბუდე და ორი ცალი სამხედრო ჩანთა.
ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვის ფაქტზე სისხლის სამართლის საქმე აღიძრა. გამოძიებას ახალქალაქის რაიონული სამმართველო აწარმოებს.
