საქართველოს პრეზიდენტი მიხეილ სააკაშვილი, ბუქარესტში იმყოფება, სადაც ევროპის სახალხო პარტიის კონგრესში (EPP) იღებს მონაწილეობას. ღონისძიებას პარლამენტის ვიცე-სპიკერი გიგი წერეთელიც ესწრება.
კონგრესში 40 ქვეყნის 1200 წარმომადგენელი იღებს მონაწილეობას. მონაწილეთა შორის არიან ევროკომისიის ხელმძღვანელი ჟოზე მანუელ ბაროზო და ევროსაბჭოს პრეზიდენტი ჰერმან ვან რომპეი.