კოალიცია ქართული ოცნება 26-27 მაისს ხალხმრავალი აქციების გამართვას გეგმავს. ამ საკითხზე განცხადებას ქართული ოცნების პრეს-სამსახური ავრცელებს. განცხადებაში ნათქვამია, რომ ამით კოალიცია საარჩევნო კამპანიას იწყებს.
პრეს-სამსახურში ამბობენ, რომ ღონისძიების დეტალებს უახლოეს დღეებში გააცნობენ საზოგადოებას. აქციების ჩატარებასთან დაკავშირებით კი უკვე მიმართეს როგორც ბ. პაიჭაძის სახელობის ეროვნული სტადიონისა და მ. მესხის სახელობის სტადიონის ადმინისტრაციებს, ასევე თბილისის მერიას.
