რუსეთის საგარეო საქმეთა სამინისტროს ოფიციალური წარმომადგენლის ალექსანდრ ლუკაშევიჩის განცხადებით, საქართველოში შვეიცარიის საელჩოს რუსეთის ინტერესების დაცვის სექცია, საქართველოში რუსული ტვირთმზიდის დაკავების გარემოებებს სწავლობს . ლუკაშევიჩის კომენტარი რუსეთის საგარეო საქმეთა სამინისტროს ვებგვერდზეა გამოქვეყნებული. მასში ნათქვამია, რომ რუსეთის დროშით მცურავი ტვირთმზიდი - PUR-NAVOLOK - უკრაინიდან ხოფაში მიდიოდა და ის საქართველოს სანაპირო დაცვამ მაშინ დააკავა, როცა ელოდებოდა ნებართვას თურქეთის პორტში შესასვლელად.
ტვირთმზიდი გუშინ, სარფთან , ნაოსნობის წესების დარღვევისთვის დააკავეს. ეკიპაჟი 10 წევრისგან შედგება. ყველა მათგანი რუსეთის მოქალაქეა.
