საქართველოს პარლამენტი სისხლის სამართლის კოდექსში ცვლილების შეტანას გეგმავს - რასობრივი, ენობრივი, რელიგიური, ეროვნული ან ეთნიკური შეუწყნარებლობით ჩადენილი ნებისმიერი დანაშაულისთვის, პასუხისმგებლობის გამკაცრების მიზნით. უკვე შემუშავებული კანონპროექტის მიხედვით, დანაშაულის ჩადენისას რასობრივი, ენობრივი, რელიგიური, ეროვნული ან ეთნიკური შეუწყნარებლობის მოტივი, პასუხისმგებლობის დამამძიმებელი გარემოება იქნება. დოკუმენტის ავტორები არიან საპარლამენტო უმრავლესობის წევრები: კახა ანჯაფარიძე და ზვიად კუკავა. საკანონმდებლო ცვლილებების პროექტზე მუშაობისას მათ გაითვალისწინებს რასიზმისა და შეუწყნარებლობის წინააღმდეგ ევროპის კომისიის რეკომენდაცია, რომლის თანახმად, სისხლის სამართლის კანონმდებლობა უნდა ითვალისწინებდეს რასისტული შეუწყნარებლობის მოტივს, როგორც დანაშაულის ზოგად დამამძიმებელ გარემოებას.
პარლამენტი
