ვლადიმირ პუტინი საარჩევნო პროცესს ფარსად აქცევს - განაცხადა აშშ-ს ყოფილმა სახელმწიფო მდივანმა კონდოლიზა რაისმა სააგენტო ”როიტერისთვის” მიცემულ ინტერვიუში . მან ”წარუმატებელი იდეა” უწოდა პუტინის გადაწყვეტილებას მონაწილეობა მიიღოს რუსეთის საპრეზიდენტო არჩევნებში. ინტერვიუში რაისმა გამოთქვა მოსაზრება, რომ პრეზიდენტად პუტინის დაბრუნებას რუსეთში, შესაძლოა, მასობრივი მღელვარება მოჰყვეს. ” თუ მომავალი წლის მარტში პუტინი გახდება პრეზიდენტი, დიდია იმის ალბათობა, რომ ის კიდევ უფრო მეტად ცენტრალიზებულს გახდის მმართველობას და კიდევ უფრო მეტ ზეწოლას განახორციელებს ოპოზიციაზე”- აღნიშნა ”როიტერთან” საუბრისას კონდოლიზა რაისმა და დასძინა : ” მაგრამ, პუტინს მოუწევს თანამედროვე რეალობის მოთხოვნებთან შეჯახება, რუსები საკმაოდ კარგად ერკვევიან მსოფლიო პროცესებში და საკითხავია რამდენად მოითმენენ ისინი პოლიტიკურ რეპრესიებს. ”
რუსეთის პრემიერ-მინისტრის პრეს -სპიკერმა დმიტრი პესკოვმა ბიბისი-ს უთხრა, რომ პუტინის პრეს-სამსახური სწავლობს კონდოლიზა რაისის განცხადებას და მასზე კომენტარი ჯერჯერობით არ კეთდდება.
