აშშ-ს პრეზიდენტმა, დონალდ ტრამპმა The Atlantic-თან ინტერვიუში განაცხადა, რომ ირანს აშშ-სთან მოლაპარაკებების აღდგენა სურს.
"მათ [ირანელებს] საუბარი სურთ და მე დავთანხმდი საუბარზე, ამიტომ მათთან ვისაუბრებ. ეს უფრო ადრე უნდა გაეკეთებინათ. ის, რაც ძალიან პრაქტიკული და მარტივი გასაკეთებელი იყო, უფრო ადრე უნდა გაეკეთებინათ. მათ ზედმეტად დიდხანს დააყოვნეს" - თქვა ტრამპმა ინტერვიუში.
გამოცემა წერს, რომ ტრამპმა ირანთან მოლაპარაკებების დაწყების მოსალოდნელი დრო ვერ დაასახელა და განაცხადა, რომ იმ პირების ნაწილი, რომლებიც გასულ კვირებში აშშ-ს წარმომადგენლებთან მოლაპარაკებებს აწარმოებდნენ, აშშ-ისრაელის გუშინდელი იერიშების შედეგად დაიღუპნენ.
The Atlantic-ის კითხვაზე, გაახანგრძლივებდა თუ არა აშშ ირანში მიმდინარე ოპერაციას ირანელი ხალხის მხარდასაჭერად, სახალხო პროტესტის ხელახალი ტალღის დაწყების შემთხვევაში, ტრამპმა შემდეგნაირად უპასუხა: "სიტუაციას იმ მომენტში უნდა დავაკვირდე, როცა ეს მოხდება. ამ კითხვაზე წინასწარ პასუხს ვერ გასცემ".
თუმცა გამოცემასთან საუბარში აშშ-ს პრეზიდენტმა ასევე გამოხატა რწმენა, რომ ირანში წარმატებული სახალხო აჯანყება ახლოვდება და ყურადღება სოციალურ ქსელში ირანის ქუჩებში ზეიმის კადრებსა და ნიუ-იორკსა და ლოს-ანჯელესში მცხოვრები ირანელი ემიგრანტების მხარდამჭერ შეკრებებზე გაამახვილა.
"ეს მოხდება. თქვენ ამას ხედავთ და ვფიქრობ, რომ ეს მოხდება. ძალიან ბევრი ადამიანი უკიდურესად ბედნიერია იქ და ლოს-ანჯელესში და ბევრ სხვა ადგილას" - თქვა ტრამპმა.
