12 თებერვალს იაპონიამ ჩინური სათევზაო გემი და მისი კაპიტანი დააკავა, სავარაუდოდ, საკუთარ ექსკლუზიურ ეკონომიკურ ზონაში შემოწმებისთვის თავის არიდების მცდელობის გამო, რამაც შესაძლოა, პეკინსა და ტოკიოს შორის ურთიერთობების კიდევ უფრო დაძაბვა გამოიწვიოს.
იაპონიის მეთევზეობის სააგენტომ განაცხადა, რომ გემის კაპიტანი 47 წლის ჩინეთის მოქალაქეა, რომელსაც ბრალად ედება ხუთშაბათს ბორტზე შემოწმების ჩატარების მიზნით გაცემული ბრძანებების უგულებელყოფა.
სააგენტოს ცნობით, ინციდენტის დროს ბორტზე კიდევ 10 ადამიანი იმყოფებოდა.
"ჩვენ გავაგრძელებთ გადამწყვეტი ნაბიჯების გადადგმას ჩვენი აღსრულების საქმიანობის ფარგლებში, რათა აღვკვეთოთ და ხელი შევუშალოთ უცხოური ხომალდების მიერ არალეგალურ სათევზაო ოპერაციებს." - განაცხადა იაპონიის კაბინეტის მთავარმა მდივანმა, მინორუ კიჰარამ 13 თებერვალს გამართულ პრესკონფერენციაზე.
